⌨⌨⌨⌨⌨⌨⌨⌨
✅ജനങ്ങളെ ധാര്മികതയിലേക്ക് നയിക്കുന്ന ഗ്രന്ഥമാണ് ഖുര്ആന്. മദ്യത്തിലും മദിരാക്ഷിയിലും യുദ്ധങ്ങളിലും സായൂജ്യമടഞ്ഞിരുന്ന ഒരു സമൂഹത്തെ കേവലം 23 വര്ഷക്കാലം കൊണ്ട് ധാര്മികതയുടെ പ്രയോക്താക്കളും പ്രചാരകരുമാക്കിയ ഗ്രന്ഥമെന്ന ഖ്യാതി ഖുര്ആനിനു മാത്രം അവകാശപ്പെട്ടതാണ്. എന്നാല് ധാര്മിക നവോത്ഥാനത്തിനുവേണ്ടി മുഹമ്മദ് നബി(ﷺ) രചി ച്ചുകൊണ്ട് ദൈവത്തില് ആരോപിച്ച ഗ്രന്ഥമാണ് ഖുര്ആന് എന്ന വാദഗതി അടിസ്ഥാനരഹിതമാണെന്ന് അത് ഒരാവര്ത്തി വായിക്കുന്ന ഏവര്ക്കും ബോധ്യമാവും. താഴെപ്പറയുന്ന വസ്തുതകള് ശ്രദ്ധിക്കുക.
1. സത്യസന്ധനായിരുന്നു മുഹമ്മദ് നബി(ﷺ) എന്ന കാര്യത്തില് പക്ഷാന്തരമില്ല. അത്തരമൊരാള് ധാര്മിക നവോത്ഥാനത്തിനുവേണ്ടി ദൈവത്തിന്റെ പേരില് ഒരു പച്ചക്കള്ളം പറഞ്ഞുവെന്നു കരുതുന്നത് യുക്തിസഹമല്ല. ധാര്മിക നവോത്ഥാനത്തിനുവേണ്ടി ആത്മാര്ഥമായി പരിശ്രമിക്കുന്ന ഒരു വ്യക്തി അക്കാര്യത്തിനുവേണ്ടി സ്വന്തമായി ഒരു വലിയ അധര്മം ചെയ്യുകയെന്നത് അവിശ്വസനീയമാണ്. ദൈവത്തിന്റെ പേരില് കളവ് പറയുന്നതിനേക്കാള് വലിയ പാപമെന്താണ്?
2. പടച്ചതമ്പുരാന്റെ പേരില് കളവു പറയുകയും സ്വയംകൃത രചനകള് ദൈവത്തിന്റേതാണെന്ന് വാദിക്കുകയും ചെയ്യുന്നവനാണ് ഏറ്റവും വലിയ അക്രമിയെന്നാണ് ഖുര്ആന് പറയുന്നത്. “അല്ലാഹുവിന്റെ പേരില് കള്ളം കെട്ടിച്ചമയ്ക്കുകയോ, തനിക്ക് യാതൊരു ബോധനവും നല്കപ്പെടാതെ ‘എനിക്ക് ബോധനം ലഭിച്ചിരിക്കുന്നു’ എന്ന് പറയുകയോ ചെയ്തവനേക്കാളും അല്ലാഹു അവതരിപ്പിച്ചതുപോലെയുള്ളത് ഞാനും അവതരിപ്പിക്കാമെന്ന് പറഞ്ഞവനേക്കാളും വലിയ അക്രമി ആരുണ്ട്?” (6:93). ഖുര്ആന് മുഹമ്മദി(ﷺ)ന്റെ രചനയാണെങ്കില് ഈ സൂക്തത്തില് പറഞ്ഞ ‘ഏറ്റവും വലിയ അക്രമി’ അദ്ദേഹം തന്നെയായിരിക്കുമല്ലോ. തന്നെത്തന്നെ ‘ഏറ്റവും വലിയ അക്രമി’യെന്ന് വിളിക്കുവാനും അതു രേഖപ്പെടുത്തുവാനും അദ്ദേഹം തയാറാകുമായിരുന്നുവോ?
3. സ്വയംകൃത രചനകള് നടത്തി അത് ദൈവത്തില് ആരോപിക്കുന്നവരെ ഖുര്ആന് ശപിക്കുന്നുണ്ട്. “എന്നാല് സ്വന്തം കൈകള് കൊണ്ട് ഗ്രന്ഥം എഴുതിയുണ്ടാക്കുകയും എന്നിട്ട് അത് അല്ലാഹുവില്നിന്ന് ലഭിച്ചതാണെന്ന് പറയുകയും ചെയ്യുന്നവര്ക്ക് നാശം!” (2:79) ഖുര്ആന് മുഹമ്മദി(ﷺ)ന്റെ സൃഷ്ടിയാണെങ്കില് ഈ ശാപം അദ്ദേഹത്തിനുകൂടി ബാധകമാണല്ലോ. സ്വന്തമായി ഒരു രചന നിര്വഹിക്കുക. ആ രചനയില് സ്വന്തത്തെത്തന്നെ ശപിക്കുക. ഇത് വിശ്വസനീയമാണോ?
4. ഖുര്ആന് ഒന്നിച്ച് അവതരിപ്പിക്കപ്പെട്ട ഗ്രന്ഥമല്ല. നീണ്ട 23 വര്ഷങ്ങള്ക്കിടയില് വ്യത്യസ്ത സാഹചര്യങ്ങളിലാണ് ഖുര്ആന് സൂക്തങ്ങള് അവതരിപ്പിക്കപ്പെട്ടത്. ഓരോ വിഷയങ്ങളിലും ജനങ്ങളുടെ ചോദ്യങ്ങള്ക്കുള്ള മറുപടിയായിട്ടാണ് ചില സന്ദര്ഭങ്ങളില് ഖുര്ആന് സൂക്തങ്ങള് അവതരിപ്പിച്ചിരിക്കുന്നത്. ഖുര്ആനില് പതിനഞ്ചോളം സ്ഥലങ്ങളില് ‘അവര് നിന്നോട് …നെക്കുറിച്ചു ചോദിക്കുന്നു. പറയുക: …’ എന്ന ശൈലിയിലുള്ള സൂക്തങ്ങളുണ്ട്. ധാര്മിക നവോത്ഥാനം ലക്ഷ്യമാക്കിക്കൊണ്ടുള്ള പ്രവാചക(ﷺ)ന്റെ രചനയായിരുന്നു ഖുര്ആനെങ്കില് ജനം ചോദിച്ചപ്പോള് ഉടന്തന്നെ അദ്ദേഹത്തിന് മറുപടി പറയാന് കഴിയുമായിരുന്നു. എന്നാല്, അദ്ദേഹം ചെയ്തത് അതല്ല; സ്വയം മറുപടി പറയാതെ ദൈവിക വെളിപാട് പ്രതീക്ഷിക്കുകയായിരുന്നു. ദൈവവചനങ്ങള് വെളിപ്പെട്ടതിനുശേഷമാണ് ഈ തിന്മകള്ക്കെതിരെയുള്ള നടപടികള് അദ്ദേഹം സ്വീകരിച്ചത്.
5. മുഹമ്മദ് നബി(ﷺ)യെ തിരുത്തുന്ന ചില ഖുര്ആന് സൂക്തങ്ങളുണ്ട്. ഖുറൈശി പ്രമുഖരുമായി സംസാരിച്ചുകൊണ്ടിരിക്കുമ്പോള് കടന്നുവന്ന അന്ധനായ അബ്ദുല്ലാഹിബ്നു ഉമ്മിമക്തൂമിനെ പ്രസന്നതയോടെ സ്വീകരിക്കാതിരുന്ന പ്രവാചക(ﷺ)ന്റെ നടപടിയെ തിരുത്തിയ ഖുര്ആന് സൂക്തങ്ങള് (80:1-10) സുവിദിതമാണ്. മറ്റൊരു സംഭവം: മുസ്ലിംകള്ക്ക് ഏറെ നാശനഷ്ടങ്ങള് വിതച്ച ഉഹ്ദ് യുദ്ധത്തില് പ്രവാചകന്റെ ശരീരത്തിലും ഒരുപാട് മുറിവുകള് ഉണ്ടായി. യുദ്ധശേഷം അദ്ദേഹം അവിശ്വാസികളില് ചിലരെ ശപിക്കുകയും ‘അവരുടെ പ്രവാചകനെ മുറിപ്പെടുത്തിയ സമൂഹമെങ്ങനെയാണ് നന്നാവുക?’ എന്ന് ആത്മഗതം നടത്തുകയും ചെയ്തു. ഉടന് പ്രവാചക(ﷺ)നെ തിരുത്തിക്കൊണ്ട് അവതരിച്ച വചനമാണ് ഖുര്ആന് 3:128 (തിര്മിദി, ഇബ്നുമാജ). ജനങ്ങളെ ധര്മനിഷ്ഠരാക്കുവാന് വേണ്ടി പ്രവാചകന്(ﷺ) പടച്ച ഗ്രന്ഥമായിരുന്നു ഖുര്ആനെങ്കില് അദ്ദേഹത്തിന്റെ നടപടികളെ വിമര്ശിക്കുന്ന സൂക്തങ്ങള് ഖുര്ആനിലുണ്ടാവുമായിരുന്നുവോ?
Getting Info...